Kundalini jóga grunnnámskeið

Nýtt 4. vikna grunnnámskeið í Kundalini jóga það sem farið verður í undirstöðu atriði Kundalini jóga. En kundalini jóga eins og það var kennt af Yogi Bhajan er kallað jóga vitundar. Í tímunum notum við jóga til að styrkja okkur bæði á líkama og sál. Í gegnum jóga æfingar, öndun og hugleiðslu vinnum við í að styrkja hlutlausa hugann. Þann hluta hugans sem hálpar okkur að taka yfirvegaðar ákvarðanir og gera það sem við virkilega viljum gera í stað þess að bregðast eingöngu við ytra áreiti. Kundalini jóga er einnig mjög öflugt tæki fyrir þá sem eru að takast á við streitu, kvíða og þunglyndi því að það bæði fyllir okkur orku og gefur okkur tæki til að halda okkur í betra andlegu jafnvægi.

Kundalini jóga hentar öllum, jafnt byrjendum sem lengra komnum. Allir tímar eru byggðir þannig upp að fólk á öllum stigum jóga iðkunar getur fengið eitthvað út úr tímanum. Kundalini jóga er svokallað „householder” yoga, þar eð það er ekki hugsað fyrir munka heldur fyrir fólk sem er útivinnandi og á fjölskyldur með öllu því álagi sem því fylgir. Vegna þess að þetta er hannað fyrir fólk sem hefur ekki tíma til að tileinka lífi sínu yoga virkar Kundalini yoga mjög hratt. Hver tími er byggður upp af öndunaræfingum,  jóga æfingum (asanas), hugleiðslu og slökun. Í hverjum tíma er unnið bæði í því að styrkja og liðka vöðvana, styrkja taugakerfið til að gera okkur betur fært að halda okkur í jafnvægi í amstri dagsins. Við fyllum okkur af orku til að takast á við lífið og komum jafnvægi á orkuflæði líkamans. Við gerum mjög fjölbreyttar hugleiðslur og syngjum gjarnan möntrur.

Hvenær: Þriðjudögum og fimmtudögum klukkan 20.00-21.00
Kennari: Gian Tara
Næsta tímabil: 4. febrúar – 27. febrúar

Verð: 19.900kr. Innifalið er aðgangur í alla opna tíma á meðan námskeiði stendur

Skrá mig